ချယ်ရီကော့ဖ် ဖလူပလပ်စ်

ချယ်ရီကော့ဖ် တုပ်ကွေးဖျားနာပျောက် ဆေးတောင့်မှာ ကလော်ဖီနရာမင်းမဲလိတ်၊ ပါရာစီတမောနဲ့ ဖီနိုင်းအက်ပီ နက်ဖရင်းဟိုက်ဒရိုဘရိုမိုက်တို့ ပါဝင်ပါတယ်။ ရေရှည် အာနိသင်ပြဖို့အတွက် ပေါင်းစပ်ထုတ်လုပ်ထားတာပါ။ ဆေးတောင့်တစ်တောင့်သောက်ရင် အချိန် ၁၂ နာရီ ကြာ ရေရှည် သက်သာနိုင်ခြေ ရှိပါတယ်။

ချယ်ရီကော့ဖ် တုပ်ကွေးဖျားနာပျောက် ဆေးတောင့်ကို အအေးမိခြင်း (နှာချေခြင်းနဲ့ ချောင်းဆိုးခြင်း)ဝေဒနာ လက္ခဏာတွေ ကုသဖို့အတွက် သုံးပါတယ်။

အချိန် ၁၂ နာရီကြာတိုင်း(တစ်နေ့ နှစ်ကြိမ်) ချယ်ရီကော့ဖ် တုပ်ကွေးဖျားနာပျောက် ဆေးတောင့် တစ်တောင့် သောက်သုံးနိုင်ပါတယ်။

အသက် ၁၂ နှစ်အောက် ကလေးတွေမှာ ချယ်ရီကော့ဖ် တုပ်ကွေးဖျားနာပျောက်ဆေးတောင့်ကို မှီဝဲဖို့ မသတ်မှတ်ထားပါဘူး။

ချယ်ရီကော့ဖ် တုပ်ကွေးဖျားနာပျောက် ဆေးတောင့် သောက်ထားရင် ကားမမောင်းပါနဲ့၊ စက်ပစ္စည်းတွေကို အသုံးမပြုပါနဲ့။ ဆေးကြောင့် အိပ်ငိုက်တာ၊ မူးတာ၊ အမြင်ဝေဝါးတာနဲ့ အသိစိတ်နိုးကြားမှု လျော့နည်းတာတို့ ဖြစ်ကောင်း ဖြစ်နိုင်ပါတယ်။ ဒါကြောင့် ကားမောင်းနိုင်စွမ်းနဲ့ စက်ပစ္စည်း အသုံးပြုနိုင်စွမ်းကို အဟန့်အတား ဖြစ်စေနိုင်ပါတယ်။

သင့်ဆရာဝန်က ချယ်ရီကော့ဖ် တုပ်ကွေးဖျားနာပျောက်ဆေးကို မသောက်မဖြစ် သောက်သင့်တယ်လို့ ညွှန်းမှသာ သောက်သုံးပေးပါ။